21 Oktober 2022
Die polisie in Durban is op soek na ‘n man, wat glo vier donkies in ‘n TikTok-video aangerand het om sy volgers te “beïndruk.”
TikTok is ‘n sosiale media-platform waarop kort videos gelaai word.
LEES OOK: DBV KRY 32 JAGHONDE IN POLISIEAANHOUDINGSELLE
Na die video opgelaai is, het die Nasionale Dierbeskermingsvereniging (NDBV) met ‘n ondersoek begin, wat hulle gelei het tot die man se woning in ‘n klein dorpie in Limpopo. Volgens die NDBV is die diere reeds verwyder en na ‘n plek van veiligheid geneem.
Die organisasie sê in ‘n verklaring dat die “akteur” en “musikant” in die video gesien kan word hoe hy die vier donkies slaan. Slegs sy bynaam is op hierdie stadium aan die NDBV bekend.
LEES OOK: LUISTER: NDBV ONDERSOEK “EEN VAN DIE WREEDSTE VOORVALLE VAN HONDEGEVEGTE”
Volgens die organisasie is hulle belangrikste prioriteit nou die welstand van die donkies, maar het benadruk dat die NDBV nie sal toelaat dat die verdagte skotvry daarvan afkom nie.
“Die NDBV is vol vertroue dat die man binnekort vasgetrek sal word.”
