14 Julie 2022
‘n Man is dood nadat hy vanoggend met sy voertuig in padversperrings op die N12 vasgery, en sy motor in ‘n meer beland het.
Die ongeluk het net ná die Tom Jones-afrit in Benoni plaasgevind.
Volgens die ER24-nooddiens is hulle en verskeie insleepdienste na die toneel ontbied waar die insleepvoertuie daarin kon slaag om die voertuig na die kant te bring.
By nadere ondersoek het paramedici ‘n man se liggaam gevind waar dit in die voertuig gelê het en hy is op die toneel dood verklaar.
Die presiese oorsaak van die ongeluk sal ondersoek word.
