29 Junie 2022
Die Bitou-plaaslike munisipaliteit sal vandag ‘n waaksame oog oor die gebied se strande hou nadat ‘n noodlottige haai-aanval gister by Plettenbergbaai voorgekom het.
Na die aanval by Sanctuary-strand is die strande tydelik gesluit terwyl die Nasionale Seereddingsinstituut die man se liggaam agter die branders gaan haal het.
Die man is intussen as Bruce Wolov geïdentifiseer, wat volgens berigte by PSG in Saxonwold werk.
Wolov het glo by Robberg 5-strand geswem toe hy aangeval is.
Die Nasionale Seereddingsinstituut en die munisipaliteit het ‘n beroep op swemmers, roeiers, seevaarders en branderplankryers gedoen om die nodige sorg aan die dag te lê indien hulle in die see by die Plettenbergbaai-omgewing sou wees.
