8 Februarie 2022
Die liggaam van die 28-jarige Christo Fritz, wat Saterdagaand by die Roodeplaatdam verdwyn het, is vroeër vanmiddag in die Pienaarsrivier gevind.
Fritz en sy vriend Deivan Rust het met ‘n boot op die dam gevaar toe dit oor die damwal van 73-meter hoog gestort het. Rust het daarin geslaag om self uit die rivier te kom.
Dié verdrinking kom te midde van kitsvloede en oorstromings, wat die afgelope naweek verwoesting in dele van Gauteng, veral in Centurion gesaai het.
Nóg ‘n man se liggam is Sondagmiddag in sy bakkie gevind. Die bakkie was in vloedwater naby die Centurion Lake-hotel.
