10 November
Die LUR vir gesondheid in Limpopo, Phophi Ramathuba sê daar is ‘n toename in malariagevalle in dié provinsie en het ‘n beroep op mense gedoen om versigtig te wees.
Volgens Ramathuba is daar 406 malariagevalle, waarvan twee mense dood is. Sy sê hoewel die gevalle minder as verlede jaar is, is dit steeds ‘n rede tot kommer.
Dié departement sê in ‘n verklaring dat dit sy doelwit is om ‘n punt te bereik waar geen malariagevalle aangemeld word nie. Ramathuba het nou die departement se malaria taakspan die opdrag gegee om mense by hulle huise te besoek en om hul te toets vir malaria asook op te lei oor die simptome en behandelinge van malaria.
Die Sekhukhune- en Vhembe-distrikte in Limpopo is as ‘n brandpunt geïdentifiseer.
Stem vir die Aitsa’s
