30 September 2022
‘n 53-jarige makadamia-boer van Nelspruit (Mbombela) in Mpumalanga is gisteraand op sy plaas vermoor.
Volgens berigte het Etienne du Toit net na 20:00 gisteraand met sy motorfiets na sy boorde gery om waterkrane toe te draai. Toe hy nie terugkeer huis toe nie, het sy seun hom gaan soek waar hy toe op sy pa se liggaam in die boorde afgekom het.
Die polisiewoordvoerder, kolonel Donald Mdhluli sê dit wil voorkom asof Du Toit aangerand is. Hy het kopbeserings opgedoen.
Hy sê ’n ysterstaaf is ook langs sy liggaam gevind. Nog niemand is in hegtenis geneem nie.
