4 Oktober 2022
Die Jacob Zuma-stigting is opsoek na Suid-Afrikaanse, asook internasionale vervaardigingsmaatskappye om ‘n dokumentêr van die oud-president te vervaardig.
Die stigting het in ‘n verklaring ‘n beroep op vervaardigers gedoen om so gou moontlik met voorstelle vorendag te kom.
Die woordvoerder van die stigting, Mzwanele Manyi sê dit is belangrik dat die dokumentêr sewe punte bevat.
Die sewe punte, wat die voorstelle moet bevat sluit onder meer in Zuma se grootword-jare, sy ballingskap, sy tyd as ‘n politieke gevangene, die stigting en sy rol in die ANC en sy jare as die president van die land.
Manyi sê dit is belangrik dat aansoekers aandui hoe hulle hulpbronne sal gebruik om die beste moontlik dokumentêr op die been te bring.
