26 Oktober 2023
‘n 26-jarige vrou het ‘n video op haar sosiale media-platforms gedeel waarin sy haar 22 kinders se name en geboortedatums bekend maak – waarvan 20 in dieselfde jaar gebore is.
Die Russiese ma, Kristina Ozturk, woon saam met haar man, Galip (58) en 22 kinders in Georgië. 21 van die kinders is deur middel van surrogaatskap die wêreld gebring., maar Kristina meen sy is nog nie klaar nie en wil soveel as 105 biologiese kinders hê.
Haar miljoenêr-man is vroeër die jaar tot agt jaar gevangenisstraf gevonnis weens die onwettige aankoop en besit van dwelms. Hy is in Mei in hegtenis geneem nadat die dwelms in sy huis gevind.
Kristina se oudste kind, Victoria is in 2014 vanuit ‘n vorige verhouding gebore. Die jongste kind, Olivia is in 2021 gebore, terwyl die ander 20 kinders in 2020 gebore is.
Sy het in 2021 gesê dat sy £67 000 of sowat R1,5-miljoen jaarliks bestee aan 16 oppassers wat in haar huis woon. In daardie stadium het sy en haar man reeds £142 000 (meer as R3-miljoen) bestee aan surogaat-ma’s.
Sy sê hulle gaan wag tot die kinders ouer is en sal dan weer met die surogaatproses begin.
Foto: Daily Mail
