8 Augustus 2022
Die 40-jarige Lauren Dickason, wat tereg staan op aanklag van moord op haar drie dogters, se verhoor sal 17 Julie 2023 in die hooggeregshof in Christchurch Nieu-Seeland begin.
Die saak teen dié Suid-Afrikaanse ma het Vrydag weer in die hooggeregshof in Timaru voorgekom om ‘n verhoordatum te bepaal.
LEES OOK: SAAK TEEN LAUREN DICKASON UITGESTEL
Dickason se advokaat, Kerryn Beaton, het namens haar verskyn.
Regter Cameron Mander het vir Dickason van die hofverrigtinge verskoon omdat sy steeds aangehou word in ‘n psigiatriese eenheid by die Hillmorton-hospitaal in Christchurch.
Dickason is in die hospitaal opgeneem nadat sy na bewering op 16 September 2021 haar dogters, die 6-jarige Liané en twee-jarige tweeling Maya en Karla vermoor het.
LEES OOK: SA-GESIN UITGEWIS KORT NÁ HUL NUWE LEWE IN NIEU-SEELAND BEGIN
Dickason en haar man, Graham, het ‘n week voor die moorde uit Suid-Afrika saam met hulle kinders in Timaru aangekom waar alby mediese dokters was.
