18 September 2021
Die 40-jarige ma van drie kinders, wie se liggame Donderdagaand in hulle huis in Timaru, Nieu-Seeland gevind is, het Saterdagoggend (Nieu-Seelandse tyd) in die hof verskyn.
Lauren Dickason word aangekla van die moord op die 2-jarige tweeling Karla en Maya en die 6-jarige Liane. Haar man, dr. Graham Dickason het Donderdagaand op sy kinders se liggame afgekop. Lauren is na die voorval in die hospitaal opgeneem, waarna sy gister in hegtenis geneem is.
Die gesin het einde Augustus van Pretoria na Nieu-Seeland geëmigreer en het ‘n week gelede hulle verpligte isolasietydperk voltooi. Albei ouers is mediese dokters.
Regter Dominic Dravitzki het Lauren ná haar vlugtige hofverskyning na die Hillmorton-hospitaal in Christchurch vir sielkundige waarneming verwys. Die saak is tot 5 Oktober uitgestel.
Stem vir die Aitsa’s
