Twee mense is oorlede toe die lykswa waarin hulle gery het, in Springs aan die brand geslaan het.
Hulle het ‘n liggaam by die hospitaal gaan haal toe die bestuurder beheer verloor en teen ‘n boom gebots het.
Volgens die Ekurhuleni-metropolisie was die bestuurder steeds in die voertuig, terwyl die tweede oorledene langs ‘n groot omgevalle boom gevind is.
Volgens die woordvoerder van Ekurhuleni, Zweli Dlamini, word daar beweer dat die lykswa die liggaam by die hospitaal gaan haal het en dat die passasier, wat ‘n familielid van die oorledene was, versoek het dat hulle by die plek verbyry waar die oorledene gesterf het om glo sy gees in ontvangs te neem.
Paramedici het die bestuurder én passasier op die toneel dood verklaar.
Foto krediet: Boxer Ngwenya/ANA Pictures
