25 Januarie 2022
‘n Advertenie op sosiale media vir ‘n Smeg kommersiële ketel, wat “teen R60 op Takealot verkoop word,” versprei soos ‘n veldbrand, maar pasop voordat jy daarvoor val.
Die gewone prys vir die ketel op Takealot is R3349 (prys in Januarie 2022) – ‘n afslag van nagenoeg 98,2%. Dié aanbod is volgens Business Insider egter ongelukkig nié waar nie. Nog advertenies vir ‘n Samsung TV wat R60 kos is óók fopnuus en word ook wyd versprei.
Volgens die nuusdiens is soortegelyke advertensies dikwels op Facebook te sien en word deur fop rekeninge versprei. Een leidraad om dit as fopnuus af te maak, is die feit dat die “adverteerders” die R vir rand agter die bedrag sit en nie voor die bedrag nie.
Die doel van dié plasings is om meer mense te lok na onderduimse hardeware resensies, wat dan ‘n inkomste bring vir daardie webtuistes. Sosiale media-gebruikers word aangemoedig om nié op die skakels te kliek nie.
Facebook het ‘n funskie waarin dié plasings as fopnuus of misleidend aangemeld kan word, maar sommige sosiale media-gebruikers het Facebook daarvan beskuldig dat hulle nié die advertensies verwyder nie.
