LUR in die hof op twee aanklagte van moord en poging tot moord

12 Oktober 2021

Die LUR vir landbou in Mpumalanga, Mandla Msibi (45) sal na verwagting vanoggend in die Nelspruit/ Mbombela-landdroshof om borgtog aansoek doen.

Dit kom nadat hy homself gister by die polisiekantoor op die dorp oorgegee het. Hy staar twee aanklagte van moord en een van poging tot moord in die gesig. Die polisiewoordvoerder, brigadier Vish Naidoo sê die beweerde skietvoorval het in Augustus plaasgevind.

LEES OOK: LUR GEE HOMSELF OOR IN VERBAND MET TWEE AANKLAGTE VAN MOORD; EEN VAN POGING TOT MOORD

Intussen het die ANC president, Cyril Ramaphosa gesê Msibi sal opsy moet staan. 

Hy meen die ANC se reëls is duidelik oor lede, wat hulself skuldig maak aan misdrywe. Hy sê Msibi sal nou voor die party se integriteitskommissie moet verskyn. Die premier van Mpumalanga, Refilwe Mtshweni-Tsipane sê die gereg moet nou sy gang gaan.

Members of the ANC chanting struggle songs outside the Nelspruit Magistrate Court were Mpumalanga MEC for Agriculture, Rural Development and Land Reform, Mandla Msibi is expected to appear. pic.twitter.com/O8UvGImEZ6

— Bulelwa Maphanga (@BulieeM) October 12, 2021