9 Februarie 2023
President Cyril Ramaphosa lewer vanaand om 19:00 sy staatsrede in Kaapstad.
Suid-Afrikaners, opposisiepartye en ander organisasies hou hulle asems op om te hoor wat die president veral te sê het oor die kragkrisis. Die verwagting is egter dat Ramaphosa nie stiptelik om 19:00 sal kan begin met die staatsrede nie weens die EFF se dreigemente om dit te ontwrig.
Die party het vroeër gesê dat hulle weier om na hom te luister omdat hy steeds nie “vervolg is vir die diefstal van buitelandse valuta op sy Phala Phala wildsplaas nie.”
Intussen is verskeie paaie rondom die stadsaal sedert Dinsdag ‘n miernes van bedrywighede te midde van oefeninge om voor te berei vir vanaand se staatsrede.
Die Klankkoerant-oggendspan het vanoggend met die politieke ontleder, dr. Oscar van Heerden en ‘n beleggingsekonoom by PSG, Dawie Klopper gesels oor hulle verwagtinge. Luister hieronder na die gesprek.
