8 Maart 2023
Vier Suid-Afrikaanse reeksmoordenaars – wat gesamentlik meer as 105 mense vermoor het en lewenslange gevangenisstraf uitdien – kom nou in aanmerking vir parool voor die Nasionale Raad vir Korrektiewe Dienste.
Christopher Zikode, bekend as die Donnybrook-reeksmoordenaar, en Stewart Wilken, bekend as Boetie Boer, se parool is reeds drie keer afgekeur, terwyl Cedric Maake en Lazarus Mazingane se paroolaansoeke reeds twee keer verwerp is.
Professor Gérard Labuschagne, bekende ondersoekende forensiese sielkundige en profielsamesteller sê mense moet bekommerd wees oor hierdie vier reeksmoordenaars as hulle geskiedenis en die aard van hulle misdade in ag geneem word.
Volgens hom glo hy nie op hierdie stadium dat reeksmoordenaars gerehabiliteer kan word nie.
Sarina Bosman het in Klankkoerant-middag met prof Labuschagne gesels.
