21 Februarie 2023
Die Speaker van die Tshwane-metro Murunwa Makwarela, het weer sy deuntjie verander oor die bedanking van die burgemeester, Randall Williams.
Makwarela sê volgens ‘n regsmening wat hy ingewin het, is Williams se bedanking van 13 Februarie geldig, en is daar dus nie meer ‘n burgemeester of burgemeesterskomitee nie.
Koalisievennote in die metro is ongelukkig met die besluit deur Makwarela, om nie Williams se tweede bedankingsbrief te aanvaar, waarin hy gesê het dat hy eers einde van die maand sal bedank nie.
Makwarela sê hy is bewus daarvan dat daar ‘n moontlike mosie van wantroue wat in hom beplan word.
Anton Meijer het vanoggend met Peter Sutton gesels. Daar is aanvanklik gesê dat hy die waarnemende burgemeester is, maar volgens hom is lede van die metro gistermiddag ingelig dat hulle nie meer deel van die burgemeesterskomitee is nie, en dus is hy net ‘n raadslid.
