3 Maart 2023
Die bekende Amerikaanse tydskrif, Time is vandag 100 jaar oud.
Die heel eerste Time-tydskrif is op 3 Maart 1923 gepubliseer en die destydse speaker van die Huis van Verteenwoordigers, Joseph G. Cannon het op die voorblad gepryk.
Ter viering van die spesiale verjaarsdag het Time ‘n peiling gepubliseer waarin mense gevra word om te stem vir wie hulle dink die mees invloedryke mense in die afgelope 100 jaar was. ‘n Baie gewilde afdeling wat die tydskrif ook gereeld gepubliseer het, is die “man van die jaar-toekenning” wat later na die “persoon van die jaar” verander is.
Die eerste man van die jaar was Charles Lindenbergh wat in 1927 aangewys is na sy eerste solo atlantiese vlug. Meer onlangs in 2022 is Oekraïne se president Wolodimir Zelenski aangewys as die persoon van die jaar.
Esté Gross het vroeër vandeesweek met die Bloemfonteinse rubriekskrywer en samesteller van die daaglikse praatjie, Historiese Almanak, op Pretoria FM – Albe Grobbelaar gesels.
