17 April 2023
“Jy sal sekerlik onthou hoe jy as kind ‘n boks vol sywurms gehad het en dikwels ‘n buurman se moerbeiblare gepluk het.”
‘n Hartjie, ster en reghoek wat deur die sywurm gespin is, het dan ook diwkels ‘n boekmerk geword.
Maar het jy geweet dat daar ‘n groot sywurmplaas in Suid-Afrika is, wat nié in ‘n boks bedryf word nie?
Dié sywurmplaas, Africa Silks, is in die hartjie van die laeveld in Mpumalanga geleë.
Die sywurm is dalk vir sommige mense grillerig, maar dié wit en grys wurm se spinvermoë is alreeds 3000 voor Christus gebruik om materiaalprodukte te maak. Maar deesdae word die outjies ook in ‘n ander bedryf – die mediese bedryf – gebruik.
Die stigter, boer en uitvoerende hoof van Africa Silks, Ronel Swart vertel dat sy ses hektaar se moerbeibome en duisende sywurms bestuur. En sy laat nie toe dat iemand vir haar “‘n storie spin” oor dié boerdery se toekoms in Suid-Afrika nie.
Jake Stols het tydens Klankkoerant Landbou met haar gesels.
