8 Desember 2023
Twee skattejagtervriende van die Wes-Kaap wek toenemend opspraak onder die plaaslike inwoners, maar ook onder toeriste en vakansiegangers vir hul stokperdjie.
Dewald Spies en Brian de Cruz het al – met hul metaalverklikkers – menigte mense se harte bly gemaak wat waardevolle items in die see of op strande verloor het.
Spies en De Cruz fynkam al vir die afgelope twee dekades strande in die Wes-Kaap, ván Strand tot in Melkbos, vir verlore blinkgoed. Hy sê hulle kry gereeld munte, maar het ook al vreemde projekte soos valstande en ‘n handgranaat gekry.
Spies sê hy het een keer ‘n vrou gehelp om haar ma se trouring op te spoor. Hy sê terwyl hulle skatte ontdek, maak hulle terselfdetyd ook die strande skoon.
Dewald Spies het met Esté Gross oor die twee vriende se unieke stokperdjie gesels.
