23 Augustus 2023
‘n Voormalige aanbieder van Carte Blanche, Ruda Landman sê haar mede-aanbieder, Derek Watts was altyd uitstekend voorberei en het haar ondersteun tydens regstreekse uitsendings.
Watts is gister (22 Augustus) in die ouderdom van 74 oorlede nadat velkanker verlede jaar by hom gediagnoseer is. Dit het onlangs na sy longe versprei.
Sy naam is sinoniem met ondersoekende joernalistiek, en menige grappies is gemaak oor hoe jy weet jou naweek is verby, wanneer Derek Watts Sondagaande gegroet het op Carte Blanche. Hy het ook verlede jaar sy ligter kant gewys in ‘n Castle Lite advertensie.
Ruda Landman het met Sarina Bosman gesels. Dié twee het sedert die eerste episode van Carte Blanche op 21 Augustus 1988 saam gewerk, totdat Landman die program in 2007 verlaat het.
Foto: 702
