6 Junie 2022
’n R500 banknoot en ‘n R10-muntstuk. Dit is waaroor daar tans gedebatteer word.
Die Suid-Afrikaanse Reserwebank het egter gesê dat nie een van dié twee binnekort ‘n realiteit in Suid-Afrika sal word nie.
‘n Onlangse studie deur die Reserwebank toon dat ‘n R500 banknoot eers oorweeg sal word wanneer die hoogste waarde noot – die R200 noot – die mees gesirkuleerde noot in die land word.
Die R100 noot is volgens die bank steeds die mees gebruikte noot in die land, met sowat 776 miljoen R100 note wat tans in sirkulasie is.
Volgens hierdie studie is Suid-Afrika se belangstelling in R10 muntstuk te laag vir dit om ook ‘n werklikheid te word.
Klankkoerantmiddag het vanmiddag met ‘n professor aan Wits se sakeskool, Prof Jannie Rossouw, hieroor gesels. Luister gerus na die onderhoud.
