1 April 2023
Tydens die die Artemis 1 sending einde verlede jaar is theobromien op die maan se oppverlak ontdek.
Kenners reken dié ontdekking het die potensiaal om NASA se Artemis-projek se begroting met die helfte te verminder. Die Artemis-projek is die opvolger van die Apollo projek wat die eerste mense op die maan gesit het in die laat 1960s. NASA se eerste Artemis vuurpyl is op 16 Nov 2022 gelanseer.
Daar was geen mense aanboord nie en die doel van die sending was om te bewys dat NASA se nuwe Orion ruimtekapsule veilig Maan toe kan gaan en veilig terugkom aarde toe. Die volgende Artemis-vuurpyl word beplan om in November 2024 te lanseer. Hierdie vuurpyl sal wel beman wees, maar sal nog nie op die maan land nie.
Dit is eers met die Artemis 3-vuurpyl dat NASA weer mense op die maan sal sit. NASA beplan om die Artemis 3-vuurpyl in 2025 te lanseer en dit sal die duurste sending wees juis omdat daar mense aanboord gaan wees en hulle op die maan gaan land en veilig moet terugkeer aarde toe. NASA se begroting vir die volgende finansiële jaar is onlangs deur die Amerikaanse preseident, Joe Biden, bekendgestel en die grootste deel van NASA se begroting vir die volgende paar jaar word gewy aan die Artemis projek.
Dr Ruhann Steyn van die Sentrum vir Ruimtenavorsing by die Noordwes-universiteit sê daar is tydens die Artemis 1-sending baie infrarooi fotos van die maan geneem om verder te bepaal wat die chemiese bestandele van die maan se oppervlak is.
“Hierdie navorsing is glad nie nuut nie, maar dit is wel die eerste keer wat hierdie tipe spektrometer so naby aan die maan kon fotos neem. Dit blyk uit die resultate van die spektrogramme wat gemaak is van die fotos, dat die maan se oppervlak onder andere heobroma bevat. Theobroma is glad nie nuut vir die mens nie en is die hoof alkaloeied van theobromien. Dit is effens wateroplosbaar (330 mg/L) met ‘n effense bitter smaak.”
Volgens Steyn kan die theobromien op die maan se oppervlak gebruik word om lewe aan die gang te hou. Dit kan ook maklik verhit word met die energie van sonpanele, en deur eenvoudige prosesse gesit word om water mee te maak. Hy sê dit is ‘n reuse ontdekking wat ruimtevaardery heelwat makliker en goedkoper gaan maak.
Wetenskaplikes het aanvanklik gewonder of dit nie dalk kontaminasie is van vorige ruimtetuie wat op die maan geland het nie. Die gehalte van die theobromien op die maan is van baie hoër gehalte as wat op die aarde in ‘n laboratorium gemaak kan word. Steyn sê hy sien uit daarna om te sien hoe dit ontdekking ruimtevaardery gaan bevorder in die toekoms veral met Mars in gedagte.
