21 Februarie 2023
Inwoners van Lochvaal in Vanderbijlpark dreig om die departement van water en sanitasie en Rand Water voor die hof te daag, na hulle erge vloedskade gelei het.
Volgens die inwoners was die oorstromings in die gebied voorkombaar, as die sluise van die Vaaldam meer geleidelik oopgemaak is.
DIe departement sê 12 sluise by die dam moes oopgemaak word, omdat die dam te vol geraak het.
Daar bestaan nog die risiko dat meer sluise oopgemaak sal moet word. Een van die inwoners wat alles verloor het, Ryno Moolman sê inwoners het reeds verlede Woensdag agtergekom dat die dorp in vloed is, maar meen noodkrete het op dowe ore geval. Hy sê slegs enkele minute later was die huis tot kniediep onder die water.
Teen Saterdag (18 Feb), nadat hulle reeds alles skoongemaak het van enkele dae gelede. het hy en sy vrou besef dat nog vloedwater op pad was. “15 minute later was ons weer kniediep in die water, en nog 15 minute later was alles weg.”
Een van die inwoners wat alles verloor het, Ryno Moolman het tydens Klankkoerant-middag met Sarina Bosman gesels.
