Op 27 Maart 1985 is die Westdene-gemeenskap in Johannesburg tot in sy fondamente geskud toe ’n geel dubbeldekkerskoolbus met 72 leerlinge van die Hoërskool Vorentoe in die Westdene-dam ingery het en 42 kinders gesterf het.
Vir diegene wat daardie dag op die toneel was voel dit steeds soos gister.
Die gebeure is in kinders, leerkragte, duikers, nooddiens- en hospitaalpersoneel asook mense wat in die nabye omgewing gewoon of gewerk het se gedagtes ingebrand.
Pieter Steyn was een van die nooddienswerkers wat by die Johannesburgse nooddienste gewerk het.
Hy woon deesdae in Roodepoort in Johannesburg… en hy het met Esmarie Yssel gesels oor daardie dag.
