9 Junie 2023
Die voormalige Springbok-losskakel, Morné Steyn sal môre – 10 Junie 2023 – waarskynlik vir die laaste keer op sy geliefde tuisveld, Loftus Versfeld in die nommer 10 trui uitdraf.
Die 38-jarige Steyn het vroeër aangekondig dat hy aftree na die Curriebeker-seisoen. Die Blou Bulle speel môre in die Curriebeker-semifinale teen die Cheetahs op Loftus Versfeld.
Steyn het in 2009 sy debuut vir die Springbokke gemaak in ‘n wedstryd teen die Britse en Ierse Leeus ook op Loftus.
Steyn het tydens ‘n onderhoud met Anton Meijer gesê dat hy sy laaste wedstryd as bitter-soet beskou, maar dat hy uitsien na die wedstryd, maar ook sy lewe ná rugby.
