8 Desember 2021
‘n Onderneming van Pretoria het besluit dat een van die straatnaamborde wat die hoofstad se naam aandui te vervalle lyk en vervang moet word.
Dié naambord is in Kenneth straat in Pretoria Tuine.
Kitstekens 2000 word sedertdien oorval met boodskappe van die publiek wat vra hoe hulle betrokke kan raak om te verseker dat Pretoria se naam in meer as een opsig behoue bly.
Riaan Alkema van Kitstekens 2000 het in ‘n onderhoud met Klankkoerant gesê dat hoewel hy nie noodwendig toestemming gekry het om die bord te vervang nie, het hy as ‘n gewone landsburger besluit om in te gryp om verandering te probeer bring.
Volgens hom is hulle nou oorval met versoeke van mense, wat aanvoer dat hulle byvoorbeeld nie sommige padtekens kan lees nie.
Luister hier na die onderhoud:
