16 Februarie 2024
“Opportunistiese politici, soos die ANC se provinsiale voorsitter in Gauteng, Panyaza Lesufi en ander gebruik Orania om relevant in die aktuele nuus te bly.”
Dit volgens die uitvoerende hoof van die Orania Beweging, Joost Strydom nadat Lesufi, gesê het dat hy persoonlik sy party se verkiesingsplakkate in Orania gaan opsit.
Volgens hom behoort daar geen verbode gebied te wees vir die ANC om ’n verkiesingsveldtog te voer nie.
Strydom het tydens Klankkoerant Oggend op 16 Februarie aan Susan Botha gesê dat Orania oplossings vir probleme soek wat nie noodwendig met die hoofstroom politiek strook nie, maar wel oplossings wat in die beste belang van die gemeenskap is.
“Dit was Orania regkry trek aandag. Dit trek aandag wanneer Orania suksesvol is en byvoorbeeld groot sonplase oprig.”
Foto: Die Orania Beweging
