21 Junie 2022
‘n Soektog is begin nadat een van die land se grootste Springbokramme, Oom Dyk spoorloos verdwyn het.
Dykie de Villiers van De Ville springbok-boerdery in Noupoort sê hy het ‘n sterk vermoede dat sy geliefde bok per helikopter van sy plaas verdwyn het. Volgens hom het hy Oom Dyk vyf weke gelede gesien, maar is eers onlangs daarvan ingelig deur sy plaasbestuurder.
De Villiers bly deesdae in George en gaan elke nou en dan na sy plaas op Noupoort. ‘n Emosionele De Villiers sê al kry hy nie Oom Dyk lewend terug nie, hoop hy ten minste vir ‘n karkas sodat hy berusting kan vind.
Esté Gross het met De Villiers gesels.
