20 Mei 2023
Waarskuwing: Die verslag kan sensitiewe luisteraars ontstel.
Vandag 40 jaar gelede, op 20 Mei 1983 het ‘n bom in Kerkstraat in Pretoria ontplof.
Dié motorbom wat 40 kg se plofstof bevat het, het gelei tot die dood van 19 mense, terwyl nagenoeg 217 mense beseer is.
Die bom was bedoel vir die Suid-Afrikaanse Lugmag, maar omdat die bom teen spitstyd afgegaan het, is verskeie burgerlikes deur die bom getref. Die twee mans wat die bom geplant het, Freddie Shangwe en Ezekial Maseko is ook in die voorval dood omdat die bom vroeër as beplan, ontplof het.
Klankkoerant se redakteur, James Kemp het ‘n verslag saamgestel.
