24 November 2022
Die Aitsa Trust, wat vanjaar die derde Aitsa Afrikaanse Musiektoekennings aanbied, vat vanjaar hande met Solidariteit Helpende Hand se Moot-Wes tak en Pretoria FM om kersgeskenke vir bejaardes in munisipale aftree-oorde in dele van Pretoria bymekaar te maak.
Dié geskenke sal oor die Kersseisoen aan bejaarde inwoners van aftreeoorde in dele van Pretoria oorhandig word.
Van die items wat in die skoenboks gepak kan word sluit in:
- Lekkergoed en nie-bederfbare peuselhappies;
- Koekies;
- Handeroom of lyfroom;
- ‘n Lekkerleesboek;
- ‘n Kniekombersie;
- Lekkerruik seep en ‘n waslappie; of
- ‘n Skryfblok en pen.
Volgens die Voorsitter van die Aitsa Trust, Willie Spies is dit vir die Aitsa Trust ‘n voorreg om op dié manier terug te ploeg in die gemeenskap. “Ons pak jaarliks verskeie liefdadigheidsprojekte aan en dit is veral met Kerstyd vir ons lekker om mense in nood te bederf,” sê Spies.
Esté Gross het in Klankkoerant Laatmiddag met Solidariteit Helpende Hand se Pretoria Streekorganiseerder, Mariana Kriel gesels om uit te vind hoe mense kan help.
