25 Mei 2023
Om die koue wintermaande behoorlik in te lui, gaan sowat 1500 mense wat kan hekel landswyd die hekelnaalde laat klik vir die ATKV-Arendsnestak aan die Wesrand se unieke hekelmarathon.
Die hekel-safari-marathon vind saam met die groep, Maak ‘n Verskil plaas. Dit begin môremiddag (26 Mei) om 12:00 en sal tot Saterdagaand 18:00 duur.
Volgens die groep vind die marathon in hierdie stadium op 90 verskillende plekke landswyd plaas, en sal die mense blokke ten bate van liefdadigheid hekel. Die blokke sal deur Maak ‘n Verskil aan mekaar geheg word om komberse te maak.
Riaan Grobler het vanoggend met Leandra van Wyk, onder-voorsitter van die ATKV-Arendsnestak hieroor gesels.

Foto’s: ATKV – Arendsnes