27 Mei 2024
Die George-tragedie wat in Victoriastraat afgespeel het, nadat ’n halfgeboude woonstelblok op Maandag 6 Mei ineengestort het, het die land se verbeelding aangegryp.
’n Bekende sport- en geleentheidsfotograaf van George, Deidré Cloete, het 21:00 daardie aand by die toneel aangekom, en hoewel sy toe nie toegelaat is om foto’s te neem nie en nie van plan was om foto’s te neem nie, het sy tot die volgende oggend 02:00 daar gebly, om alles om haar waar te neem.
En toe gebeur dit dat die volgende 11 dae vir haar ’n lewensveranderende ervaring geword het.
Esmarie Yssel het vanoggend met Deidré Cloete van Deds Photography in George gesels.
Foto’s: Deidré Cloete (Deds)
