28 September 2021
As jy eerstehands wil beleef hoe die Voortrekkers geleef en oorleef het… die Voortrekkermonument maak dit nou vir jou moontlik.
’n Groep Voortrekkers het gaan laer trek by die monument en dié lewende uitstalling bring die gekiedenis 2021 toe. Die uitstalling vind elke week van Donderdag tot Sondag vanaf 08:00 by die piekniekterrein van die monument plaas.
Die uitvoerende hoof van die Voortrekkermonument en Erfenisstigting, dr. Danie Langner het vanoggend met die Klankkoerant-oggend span gesels oor dié spesiale uitstalling.
Hy sê hierdie is een projek waarop hy geweldig trots is omdat hulle nie net vir mense die geskiedenis van die Voortrekkers wil vertel nie, maar ‘n praktiese kykie gee op hoe dit was om in daardie jare te leef.
Volgens Langner kan jonk en oud kom beleef wat die voortrekkers in die laer gedoen het én dalk self ook ‘n brood bak of ‘n sweep vleg.
Stem vir die Aitsa’s
