17 Mei 2023
Geregtelike teregstellings het verlede jaar die hoogste syfer in vyf jaar bereik.
Amnestie Internasionaal sê in hul jongste navorsing oor die doodstraf dat hulle byna 900 teregstellings aangeteken het. In een van die gevalle is 81 mense in ‘n enkele dag in Saoedi-Arabië tereggestel.
Volgens die organisasie het teregstellings met 53% toegeneem teenoor 2021. Die meeste van die teregstellings is weens oortredings wat verband hou met dwelms.
Klankkoerant-verslaggewer, Inge du Plessis, het met Amnestie Internasionaal Suid-Afrika hieroor gesels. Dié organisasie meen wêreldwyd moet die doodstraf afgeskaf word, omdat dit – volgens hulle – nie ‘n oplossings vir misdaad is nie.
