22 Oktober 2021
ActionSA het ‘n kort ruk gelede in ‘n verklaring bevestig dat die kieshof sy aansoek teen die Onafhanklike Verkiesingskommissie, die OVK, van die hand gewys het.
ActionSA het die hof genader omdat sy naam nie op die stembrief vir die munisipale verkiesing verskyn nie. Die OVK het egter aangevoer dat die party nie ‘n afgekorte naam het nie, daarom sal daardie gedeelte leeg wees. Die party se logo en kandidaat verskyn wel op die lys.
Die leier van die party, Herman Mashaba sê die kieshof sal later redes verskaf oor waarom sy aansoek teengestaan is.
Hy sê die party is teleurgesteld in die beslissing, maar sal die hof se besluit respekteer. Volgens Mashaba sal hulle volgende fokus nou wees om seker te maak dat kiesers die party op die stembrief kan vind.
Stem vir die Aitsa’s
