19 Augustus 2021
Die minister van gesondheid, dr. Joe Phaahla sal môre ‘n aankondiging maak oor wanneer 18- tot 34-jariges kan registreer vir ‘n Covid-19 inenting.
Phaahla het vroeër die week gesê dat die ouderdomsgroep moontlik vroeër kan registreer en aanmeld vir ‘n Covid-19 inenting.
Die aanvanklike datum was 1 September.
Die adjunk-direkteur-generaal van gesondheid, dr. Nicholas Crisp het aan Klankkoerant bevestig dat die kwessie more aangespreek sal word.
Die departement van gesondheid sê daar is tans genoeg entstowwe, maar te min mense wat wil aanmeld vir ‘n inenting.
Luister hier na dr. Crisp se onderhoud op Klankkoerant-oggend.
Hou Afrikaans op die lug
