5 September 2022
Liz Truss is aangewys as die nuwe leier van die Konserwatiewe Party in die Verenigde Koninkryk, en sal Dinsdag ingewy word as dié land se volgende eerste minister.
Die pos het vakant geraak nadat Boris Johnson op 7 Julie bedank het.
Truss – wat die minister van buitelandse sake in die Johnson-bedeling was – het die ander kandidaat, die voormalige minister van finansies, Rishi Sunak, uitgestof.
Truss het gister onderneem om onmiddellik stappe te doen om die stygende energiepryse onder beheer te kry en die energievoorraad te vergroot indien sy verkies word.
Sy het ongeveer 57% van die stemme op haar verenig terwyl Sunak nagenoeg 43% van die stemgeregtigdes binne die Konserwatiewe Party se steun op hom kon verenig. Truss het 81 626 van die stemme gekry teenoor Sunak se 60 399 stemme.
