17 Junie 2022
‘n 50-jarige man is gister in hegtenis geneem nadat hy ‘n 16-jarige seun Woensdagaand aangerand het en ‘n vuurwapen op hom gerig het.
‘n Video van die voorval wat buite ‘n kitskosrestaurant in Groblersdal, Limpopo plaasgevind het, is intussen wyd op sosiale media versprei.
Daar het na bewering ‘n onderonsie in ‘n kitskosrestaurant ontstaan tussen die verdagte en twee tienerseuns toe hulle dieselfde geurmiddel as die verdagte wou gebruik het.
Die man sal na verwagting vandag in die Groblersdal-landdroshof verskyn op aanklag van aanranding met die doel om ernstig te beseer én die rig van ‘n vuurwapen.
