7 Junie 2021
‘n 32-jarige beroepsjagter van Thabazimbi in Limpopo is ernstig beseer nadat hy gistermiddag deur ‘n gemsbokbul deurboor is toe hy wild in dié omgewing verkuif het.
Marco Schoonwinkel is ’n lid van die Professional Hunters’ Association of South Africa, oftewel Phasa.
Phasa het in ‘n verklaring gesê dat die bok se horing vir Schoonwinkel net onder sy naeltjie deurboor het. Die horings het sy hoofslagaar in sy linkerbeen geskeur.
Volgens Phasa is hy deur Netcare 911 na Pretoria per helikopter vervoer waar hy reeds twee noodoperasies moes ondergaan.
Sy vrou, Clarisa het op Facebook gesê dat Marco ‘n vegter is en dat sy weet dat hy in goeie hande is. Die egpaar het ‘n driejarige seuntjie. Volgens haar is die dokters van mening dat Marco dood sou gewees het as die plek waar die bok se horings hom deurboor het 2 cm hoër was.
