29 Junie 2022
Die 49-jarige man van Groblersdal in Limpopo, wat daarvan beskuldig word dat hy ‘n 16-jarige tiener aangerand het, se borgtogaansoek is geweier.
Corrie Pretorius het vanoggend vlugtig in die landdroshof in Groblersdal verskyn. ‘n Video van die voorval vroeër vandeesmaand is wyd op sosiale media versprei.
LEES OOK: LIMPOPO-MAN VANDAG IN HOF NÁ HY GLO TIENERSEUN AANRAND
In die video kan gesien word hoe Pretorius die tiener in ‘n parkeerarea van ‘n inkopiesentrum skop en slaan en dan ‘n vuurwapen op hom rig. Landdros Nancy Mathavha het beslis dat vir Pretorius se eie veiligheid sal dit nie wys wees om hom op borgtog vry te laat nie.
‘n Groot groep mense het buite die hof gesing en het geëis dat Pretorius nie vrygelaat word nie.
