19 April 2023
Die bejaarde vermiste boer van Tzaneen, in Limpopo, Charles Tolmay se liggaam is vanoggend in ‘n dam gevind.
Die 76-jarige Tolmay, wat aan alzeimer se siekte en diabetes gely het, het nié verlede Donderdag teruggekeer huistoe nadat hy saam met sy pitbull-hond op sy Gladstoneplaas gaan stap het nie. Die hond het die volgende dag alleen by die huis opgedaag.
Werknemers van die Tzaneen Country-lodge, wat enkele kilometers van Tolmay se familieplaas geleë is, het vanoggend op sy liggaam in die dam afgekom.
Dit is nie in die stadium duidelik wanneer óf hoe hy in die dam beland het nie.
