21 April 2022
Eskom se uitvoerende hoof, André de Ruyter sê fase 3-beurtkrag bereik tans sy doelwit om die nasionale kragnetwerk in ‘n beter posisie te plaas.
Hy het vanoggend tydens ‘n mediakonferensie gesê dat fase 3-beurtkrag tot ná vanaand se piektyd sal geld, waarna dié fase waarskynlik na fase 2-beurtkrag omskakel sal word.
De Ruyter sê beurtkrag sal waarskynlik ná piektyd môreaand opgeskort word vir die naweek, mits daar nié verdere eenhede uitskop nie. Hy sê die noodreserwes het ook goed opgebou sedert beurtkrag ingestel is.
