17 Januarie 2022
Die geregtelike doodsondersoek na die Life Esidimeni gebeure duur vanoggend voort met die nie-winsgewende organisasie, Section 27 wat hoopvol is dat vanjaar se sittings sonder onderbrekings sal voortduur.
Die doel van die geregtelike doodsondersoek is om te bepaal of enige persoon verantwoordelik gehou kan word vir die dood van meer as 140 psigiatriese pasiënte in 2016. Die pasiënte is van Life Esidimeni geskuif na beweerde swak toegeruste nie-winsgewende organisasies.
‘n Voormalige senior amptenaar van die gesondheidsdepartement, Hannah Jacobs sal vandag getuig. Sy was ten tyde van die gebeure die adjunk-direkteur van die geestesgesondheid-afdeling van die departement.
Ses ander getuienisse sal ook na verwagting aangehoor word.
