24 Oktober 2023
‘n Brand het vroeër vanaand by die Lictenburg museum uitgebreek, wat toe vinnig na die dorp se stadsaal versprei het.
Die VF Plus-LPW in Noordwes, Erns Kleynhans het die brand aan Pretoria FM bevestig. Hy sê die brandweerwa het nie water beskikbaar gehad nie en moes privaat maatskappye ingespan word.
Volgens hom het die provinsiale rampbestuursdienste hom ingelig dat omliggende munisipaliteite se brandweerdienste ingespan gaan word.
“Dit is egter te laat,” meen Kleynhans.
Hy sê die feit dat private maatskappye hul brandweerwaens moes ontplooi omdat die owerhede se brandweerwaens sonder water opgedaag het spreek boekdele.
“Dit is ‘n skreiende skande en weerspieël die ANC en sy meelopers se minagting vir ons land en Lichtenburg se inwoners.”
