18 Januarie 2023
ActionSA sê die premier van Gauteng, Panyaza Lesufi, se oproep – dat daar weggedoen moet word met die Onafhanklike Eksamenraad – is net ‘n poging om die aandag af te lei van die mislukkings in die staat se onderwysdepartement.
Lesufi – wat voorheen die LUR vir Onderwys in die provinsie was – het vroeër die week op X uitgevaar teen die verskillende eksamens wat geskryf word – ten spyte daarvan dat Umalusi vir al die gehaltebeheer verantwoordelik is.
In sy plasing het hy verwys na verskillende eksamens vir welaf studente en ‘n ander eksamen vir die armes.
ActionSA se Angela Sobey sê die regering moet eerder by die Onafhanklike Eksamenraad gaan kers-opsteek oor hoe om sy prestasie te verbeter aangesien leerlinge wat dié eksamen skryf byna elke jaar ‘n honderd-persent slaagsyfer kry.
