5 Julie 2024
Die Gautengse premier, Panyaza Lesufi, sê die adjunk-speaker in die provinsiale wetgewer, Refilwe Nt’sekhe, moet haar pos behou ten spyte van onderlinge twis op provinsiale vlak tussen die DA en die ANC.
Dit kom nadat die leier van die DA in die provinsie, Solly Msimanga gesê het dat Nt’sekhe uit haar pos moet bedank omdat sy nie die steun van die DA kan geniet nie.
Die ANC en die DA in Gauteng het nie daarin geslaag om ‘n regering van eenheid te vorm nie en gevolglik is geen DA-lid aangestel in die uitvoerende raad nie.
Lesufi sê ten spyte van die meningsverskille moet Nt’sekhe aanbly om die deur vir toekomstige onderhandelings oop te hou.
