25 Augustus 2021
Die Gautengse LUR vir onderwys, Panyaza Lesufi het onderneem om op te tree teen beweerde rassisme, nepotisme en wanadministrasie by die Laerskool Theresapark, noord van Pretoria.
Sommige lede van die skool se beheerliggaam word ook daarvan beskuldig dat hulle finansieel voordeel trek uit maatskappye wat deur hul familielede besit word.
LEES OOK: SKOOLHOOF STOEL EN AL BY SKOOL UITGEGOOI
Die bewerings het gelei tot ‘n departementele ondersoek en Lesufi het die verslag gisteraand aan die ouers voorgelê.
Hy het hulle die versekering gegee dat die departement sal optree.
Die LUR het verskeie sake uitgelig wat dringend aandag verg en hy het onder andere die gebrek aan leierskap deur die skoolhoof en rasissme uitgesonder.
‘n Video het drie maande gelede opslae op die sosiale media gemaak waar gesien kan word hoe ouers die skoolhoof letterlik op ‘n stoel by die kantoor uitdra, waarna sy uit die stoel op die grond neerval.
Hou Afrikaans op die lug
