7 Julie 2023
Die premier van Gauteng, Panyaza Lesufi sê ‘n spesiale eenheid moet op die been gebring word om onwettige mynwerkers, beter bekend as zama-zama’s uit te roei.
Hy sê die polisie het nie noodwendig die kapasiteit om die gewapende mynwerkers te hanteer nie en dat die landswette die optrede teen hulle beperk.
Tien mense word steeds in die hospitaal behandel, nadat hulle vroeër vandeesweek giftige gasse by die Angelo informele nedersetting in Boksburg ingeasem het. Minstens 17 mense is dood, waaronder drie kinders.
Die gasse is vermoedelik in die onwettige myn van goud gebruik. Lesufi sê die gemeenskap vra dat die weermag ontplooi word, maar dit gaan nie maklik wees nie.
