15 November 2023
Die premier van Gauteng, Panyaza Lesufi het aan inwoners van Soweto beloof om aan hulle krag te gee voor Kersfees.
Lesufi het gister met gemeenskapslede van Dobsonville en Zola vergader oor die kragsituasie.
Hy sê die provinsiale regering het R1,2 miljard opsy gesit om ou transformators wat onklaar geraak het te vervang.
Die transformators raak gewoonlik onklaar omdat mense te veel lading plaas op die netwerk, met onwettige kragaansluitings.
Lesufi sê ook hulle sal die lys van armlastiges hersien, om beter te kan bepaal wie gratis krag moet kry, en wie dit wel kan bekostig.
