25 April 2024
Die lemme van een van Frankryk se bekendste landmerke, die Moulin Rouge-windmeul in Parys het deur die loop van die aand gebreek en neergestort.
Volgens plaaslike media het die voorval plaasgevind nadat die Moulin Rouge-kabaret reeds vir die dag gesluit het. DIT kom slegs enkele maande voordat duisende toeriste die stad sal besoek vir 2024 se Olimpiese Spele.
Volgens die nuusdiens, AFP word die windmeul se meganisme weekliks deur die tegniese span nagegaan, en het hul geen probleme opgemerk nie.
Dit is die eerste keer wat so iets gebeur sedert die kabaret in 1889 sy deure geopen het.
AFP berig dat die voorval moontlik die vraag sal laat ontstaan of die stad wel gereed is om die Olimpiese spele vananf 26 Julie aan te bied.
